كيف تعيش سعيد فى مصر؟

كيف تعيش سعيدا فى مصر ؟؟؟؟؟؟
على فكرة الموضوع مش صعب زى ما انتوا فاكرين الموضوع ابسط من البساطة, بصراحة لما تروح لاى حكيم مش قاصدى دكاترة الايام دية الفالصو,لالالا, لكن لواحد زى حالتى حكيم من بتوع زمان, واحد شارب المر,وعارف يعنى اية قيمة انك تعيش ولو يوم مبسوط فى بلدنا الحبيبة مصر,مطولش عليكو ببساطة كدا اول حاجة علشان تبقى مبسوط فى مصر1-ان تكون واحد من اتنين يا عضو فى الحزب الحاكم (الوطنى) يأما تكون من الناس اللى لا ليها فى التور ولا الطحين ياعنى لامؤاخذة ماشى جنب الحيطة لاتعرف يمين ولا شمال,كلمتك المفضلة هى نعم وحاضر قناتك المفضلة هى القناة التانية الارضية مذيعك المفضل هو تامر أمين,مثلك الاعلى طبعا هو الاستاذ جمال مبارك بكدا اضمنلك ان مفيش واحد يقدر يعكنن عليك.
2- طبعا تانى حاجة تضمنلك السعادة فى بلدنا الحبيبة مصر ان تكون اهلاويا لا زملكاوى ولا اسمعلاوى و بكدا تبقى ريحت دماغك ياراجل يعنى مكسب مضمون صوت مسموع محدش يقدر يقولك بم ,مهونادى الاغلبية يا بية يعنى تبقى كسبان كل تعاطف الصحفيين مهما النادى بتاعك غلط وطاح فى الناس بردة هايفضل نادى الاخلاق والمبادء, كسبان او خسران هو الللى فوق الراس
3-بصراحة بقى تالت حاجة علشان تعيش مبسوط فى مصر ومتهنى لازم يكون ابوك بية يعنى من مليون لفوق,فلوس فى البنك عربية,شالية فى مرينا, يسلام كمان لو واحد من قرايبك يبقى انكل عز اوطنط شاهيناز تبقى ليلتك فل, بصراحة لوكنت بقى من الناس الغلابة اللى محلتهاش غير مرتبتها او اللى مش لاقية حتى مرتب ولا وظيفة يبقى ماعطلكش عمرك ماهاتعيش سعيد فى بلدنا المحبوبة مصر وابتدى من دلوقتى دور على اللوترى
4-طبعا رابع حاجة واهم حاجة علشان تعيش سعيد فى مصر انك تكون كووول يعنى مكبر الدماغ ملكش بقى فى الساسة ولا الاقتصاد واهم اهم اهتمامتك تبقى البلاى استيشن والكومبيوتر والحاجات الحلوة دية يعنى بقى ولا سياسة ولا توريث ولاوجع قلب و خلينا يا عم فى الشاتنج والمذذ والحاجات الحلوة دية

لو فيه واحد سعيد فى البلد .. يبقى بصراحة محتاج كشف نفسى ,, وغرفة فى مستشفى العباسية

وعجبى على البلد

عدد الرسائل : 18 تاريخ التسجيل : 22/09/2008

اة والله صدقتى فى كل كلمة بجد واحسن حاجة الواحد يكبر الدماغ سيبك انت من دا كلة

هههههههههههههههههههههههههههه