بيت الحبايب

علي فين ياقلبي مودينى علي بيت الحبايب
اللي عن عيني غايب
رايح تعمل ايه تطمن عليه تصدق ياقلبي وحشونى
كتير عنيه
يلا أوام نروحله نروحله ونقوله مشتاقينله قد ايه
قدام بابك مستنى اطلع يلا كلمنى
ده أنا عايش ومش عايش ولا عنك شئ
حايشنى غير زعلك بس منى
شوف عملت عشانك ايه ولسه بعمل ايه
بعت الدنيا عشانك وانت ولا في بالك
مش هافضل مستنى أنا جايلك علي طول
قلبي وعقلي وبالي وفكرى بيك مشغول
افتح ليا الباب أنا قلبي خلاص داب بعد قلبك
ماغاب
حبك ياحبيبي ده قدرى ونصيبي
مكتوب عليا من كل اللي حواليا
تعشقك عنيا وأدوب فيك
طالت سنين فراقنا وأنا وقلبي اتخنقنا
وحشتنا نظره عنيك
بعدى وبعدك طال ودوام الحال محال
وهغير حالي وأجيلك علي البيت
مانا دوبت وحنيت وزى حضنك مالقيت
افتح يلا الباب أنا قلبي وقلبك أحباب
ياعمرى وكل حياتى مانستش أى حاجه
كله في ذكرياتى ياعمرى اللي فات والأتى