لاقيت في عينيا *-* قصيدة جديدة من سولم *-*

انا بس عاوز أقول في الأول قبل القصيدة انا مش بكتب قصايد هنا علشان انا فاضي لالالالا أولا انا في كلية طب بشري يعني مش فاضي أصلا بس عندي موهبه ان انا لو حبيت حاجة لازم أبدع فيها وانا حبيت الشعر وعاوز ابدع فيه ودا مش هيكون من غير أراكم اللي هتقول كويس بي لو ....... ؟؟؟؟ قصدي لازم يكون فيه انتقادات وعيوب مش كل اللي يرد يقول روعة لا انا عاوز الرد بصراحة ويقول هل الحاجات تنفع توصل للناس ولا لأ أو باي طريقة كانت أشعار او أغاني أو أي حاجة تانية بس انا عاوز أعرف الرد بتاعكوا ياريتا

بصيت في عنيا لاقيت خوف وحزن وضياع
لاقيت سواد قدامي وزاد عليه حبيبي اللي ضاع
سبني في دنيتي وحيد وقلبي مليان آهات وأوجاع
دورت كتير على دنيا تانية ألاقي فيها ولو حتى شراع
ما لاقيتيشي غير أن أبقى تايه وسط الديابا والضباع

يا ناس شوفوا لي حل في ورطتي أو حتي مدوا لي الأيد
يمكن ربنا يهديني وأحاول أبدا من جديد
وأشوف طريقي وسكتي مش هفضل تايه وحيد
دانا عايش دنيا غير دنيتي مش لاقي فيها أصحاب
حتى اللي كانوا ليا ممكن يخافوا عليا سابوني في غربتي قالولي وقت قوتي لا يمكن يفرقنا كلام
اتاريني كنت بضحك على نفسي وصدقتهم وفي الآخر طلع كل دا أوهام

امتى يارب أرجع لدنيتك في يوم من الأيام
وأموت وأدخل جنتك وآلاقيني مع صحبة خير الآنام



أرجو التعليق الجاد والرد المفيد لي على هذا الموضوع وانتظروا مني المزيد كل ما كان الرد معين على التحسييييييين وانا ما بحبش المجاملات